In the Name of Allah the Most Gracious the Most Merciful

Home

Donate

Photo Gallery

Video Gallery

Somali

What's New

Contact us

     
 

TALOOYIN MUHIIM AH.

 
     
 
Aniga oo ah Suleiman Muuse Elmi Yoonis oo ku nool Norway, kana mid ah masuuliyiinta IQRA Norway, marka hore waan idin salaamay: Assalaamu Calaykum wa raxmatullaahi wa barakaatu.

Intaa ka dib, dhamaan taageerayaasha ururka samafalka ee READ/IQRA, waxaan idin leeyahey Ciid mubaarag iyo sannad cusub oo barakaysan, aniga oo idiinku hanbalyeynaya munaasabada CIIDUL Fitriga. Waxaan sidoo kale, dhamaan muslimiinta caalamka ku nool u rajeynayaan iney farax ku ciidaan.
 
Dhamaan taagaarayaasha Ururka IQRA/READ, waxaan u soo jeedinayaa, oo aan xasuusinayaa, kuna boorinayaa  qodobadan hoos ku qoran oo ku qotoma waajibka wayn ee inna saaran:
  1. Dhamaanteen inuu xil wayni inna saaran yahey, hase yeeshee aynaan wali gaadhin himiladeennii iyo hadafkeennii.
  2. In aan aaminsanaano waxaan bixineyno iyo meesha lagu bixinayo, islamarkaana aynu la nimaad naf iyo maal hurid.
  3. IN AAN KALA DANBEYN YEELANO, oo aynu ilaalinno nidaamka, maxaa yeelay waa tallaabada meel lagu gaadhi karo, iyada oo aynu ognahay inaan marnaba faa`ido lagala kulmi karin fowdo iyo is dhex yaac.
  4. In lagu kalsoonaado qofkii xil loo dhiibto
  5. In la ogaado tirada iskuulada iyo halkey ku yaalaan, oo la sameeyo kormeerro joogta ah oo lagu ogaanayo tayada dugsiyadaasi iyo baahidooda.
  6. In aynu dhammaanteen is cafino, haddii mar mar fikrado laysku maandhaafo.
  7. In meel looga soo wada jeesto horumarinta deegaanada Ururka READ/IQRA uu ka hawlgalo oo haatan ah meelo dhinac walba ka danbeeya deegaannada kale.
  8. In la ogaado macallimiinta mushaharada inta bilood ee ay helaan.
  9. In la isku taxalujiyo sidii loo dabooli lahaa baahihida macallinka.
  10. Inuu macallinku mushaharkiisa helo bil walba xataa muddada fasaxyada lagu jiro.
  11. In la raadiyo macallimiin tayo aqooneed leh oo dhigta dugsiga dhexe ilaa ka sare cidda ay doonnaanba ha noqdeene .
  12. In loogu baaqo cid walba oo innaga mid ah oo awood u leh iney ka qayb qaadato tabarrucyada dhaqaale ahaaneed ee hawshani u baahantahay, meel kastaba ha joogeen dadkaasiye.
  13. In la kantaroolo lacagaha laga qaado qurbo joogga ama waddannada shisheeye ee magaca IQRA lagu bixiyo. Cidda ka masuul ah iyo waxay ku caawiyaanba.
  14. Inaan laga indho-laaban dhulka u baahan in dugsiyo laga dhiso.
  15. In awoodda la saaro layskuna taxallujiyo abuuridda dugsiyo farsamada qaabilsan oo carruurteenna xilliga waxbarasho dhaaftay iyo kuwa kuwa kaleba ka aflaxaan islamarkaana kaga raystaan shaxaadka iyo raamsiga qaatka tuuluuyinkeenna iyo miyiyadeenna qariyay ee hantidooda ka faromaroojiya.
Ugu danbayn, waxaan naftayda iyo idinkaba ku waaninayaa in aan ogaanno baylahda innoo taala iyo inaydin si toos ah ugu war haysaan geedi-socodka ururka iyo dadaalka nafhuridda leh ee ay ku jiraan maamulka sare ee READ/IQRA, waxaanan leeyahay ilaahay ha inna gaadhsiiyo meesha aan hiigsanayno hana innoo suurto geliyo xaqiijinta hadafkeennna. aamiin aamiin.
 
"waxad hiigsataba maalin baad soo hirgelisaaye"
 
waad mahadsantihiin.
 
Suleiman Muusa Elmi - IQRA-Norway
 

Kor

 Copyright © 2000 - 2004 Rural Education And Development. All rights reserved.